Plantun de Prouvènço

Pèr coumpara dos planto d'encò nostre

Calamagrostis varia & Crithmum maritimum

Calamagrostis varia

Poaceae Graminaceae

Noms en français : Calamagrostide bigarrée, Calamagrostide panachée.

Descripcioun :
Aquelo calamagroustido trachis dins li bos e fourèst (de faiard, mèle...), à la sousto dóu gros dóu soulèu. Li fueio soun pulèu larjo e longo, emé uno lengueto eslandrado. Coume tóuti, a uno souleto flour pèr espigueto (4 à 5 mm e souvènt vióuleto), emé à la baso proun de péu sedous. L'arèsto es estacado en bas de la lemma, fai un pichot couide e despasso li glumo de 0,1 à 1,4 mm (vèire li fotò).

Usanço :
Counèissen pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,4 à 1(1,2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Calamagrostis
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 8 à 15 cm
Flourido : Estiéu

Sòu : Ca
Autour basso e auto : 200 à 2200 m
Aparado : Noun
Juliet à avoust

Liò : Faio - Sapiniero - Melounié - Roucas
Estànci : Subremediterran à Subaupen
Couroulougi : Ouroufito-Éurasiatico
Ref. sc. : Calamagrostis varia (Schrad.) Host, 1809

Fenoui-de-mar

Crithmum maritimum

Apiaceae Umbelliferae

Àutri noum : Sausseiroun, Bacilo.

Noms en français : Criste-marine, Fenouil marin.

Descripcioun :
Lou fenoui-de-mar es uno planto poupouso coumuno que trachis sus li roucas o dins la sablo en ribo de mar. Se recounèis eisa à si fueio penado.

Usanço :
Es uno planto manjadisso que gagnarié à èstre couneigudo ; lou goust ramento aquéu de la pastenargo, mai pu cousènt. Ero manjado au nostre, crus o cuecho coume de liume. Peréu es uno bono planto, vertuouso contro lou mau-de-terro (richo en vitamino C), depurativo, estimulanto, ajudo à pissa e à digeri. Bono pèr la pèu, n'en bouton dins de crèmo e proun de poutingo à l'ouro d'aro.